काठमाडौं ।बलिउड अभिनेत्री श्रद्धा कपुर एक फोटो ग्राफरसँग प्रेम सम्बन्धमा रहेको मिडिया रिपोर्टमा सार्वजनिक भएको छ। बलिवुडका चर्चित फोटोग्राफर रोहन श्रेष्ठसँग श्रद्धाको प्रेमसम्बन्धरहेको रिपोर्ट सार्वजनिक भएको हो । श्रद्धाले रोहनसँग घरजम गर्न लागेको समाचार तातिएको छ । केहि समय अघि वलिउड अभिनेता फरहान अख्तर र आदित्य राय कपुरसँग श्रद्धाको प्रेमसम्बन्धमा रहेको समाचार पनि सार्वजनिक भएको थियो ।
श्रद्धा बाल्यकालका साथी रोहनसँग विवाहको तयारीमा रहेको डिएनएले लेखेको छ । रोहन नेपाली मूलका हुन् । उनका पिता राकेश श्रेष्ठ नेपाली हुन् जो कामको सिलसिलामा मुम्बई पुगेर उतै स्थापित भएका थिए । ३३ बर्षिय अभिनेत्री श्रद्धा र रोहन अर्को वर्ष अप्रिल, मेसम्म घरजम गर्ने तयारीमा रहेको रिपोर्टमा उल्लेख गरिएको छ ।
श्रद्धासंग प्रेमसम्बन्धमा रहेका फोटोग्राफर रोहन बलिवुडका चर्चित फोटोग्राफर राकेस श्रेष्ठका छोरा हुन् । श्रद्धासंगै स्कुल र कलेज पढेका रोहनको बलिवुड अभिनेता अर्जुन कपुर, वरुण धवन, रणवीर सिंह र रणवीर कपुरसँग अत्यन्त नजिक रहेका छन्।
