काठमाडौं। पश्चिमी वायुको प्रभावले मंगलबार बिहानैदेखि उपत्यकासहित देशका धेरै ठाउँको मौसम बदली भई पानी परिरहेको छ।
मौसम पूर्वानुमान महाशाखाका अनुसार शुक्रबार देशको मध्य र पूर्वी क्षेत्रका धेरै र पश्चिमी भेगका केही ठाउँमा मेघगर्जनसहित यतिबेला पानी परिरहेको छ । पुर्वी र मध्य तराईका केहि स्थानहरुमा हावा हुरी चल्ने संभावना रहेको छ |
आज दिनभरी जसो देशका धेरैजसो भूभागमा पानी पर्नुका साथै मध्य र पूर्वको मौसम पूर्ण रुपमा खुल्ने संभावना कम रहेको बताइएको छ।
राती देशको पुर्वी तथा मध्य क्षेत्रका केहि स्थानमा र पश्चिमी क्षेत्रका एक/दुई स्थानमा मेघ गर्जनका साथ हल्का वर्षाको संभावना रहेको छ। पुर्वी तथा मध्य तराईका केहि स्थानहरुमा हावा हुरी चल्ने संभावना छ भने मध्य र पूर्वी हिमाली भेगका केहि स्थानहरुमा हल्का देखि मध्यम हिमपातको संभावना रहेको छ ।
पूर्वानुमान महाशाखाका अनुसार बुधवार देशको प्राय स्थानहरुमा मौसम सामान्यतया सफा रहने तर अपरान्ह पश्चात सामान्य बदलि भई मेघ गर्जन सहित हल्का वर्षाको संभावना छ ।
