काठमाडौं। भारतीय सेनाले मकालु हिमालमा हिममानव यतीको पाइला भेटिएको दाबी गरेको छ ।
आफ्नो पर्वतारोहण टोलीले मकालु आधारशिविरनजिक यतीको पाइला भेटेको भारतीय सेनाको आमसञ्चार विभागले जनाएको हो । विभागको आधिकारिक ट्विटरमा सोमबार केही तस्बिर पनि पोस्ट गरिएको छ ।
‘पहिलोपटक भारतीय सेनाको पर्वतारोहण टोलीले ९ अप्रिल २०१९ मा मकालु आधारशिविरनजिक रहस्यमयी जन्तु यतीको ३२८१५ इन्च नापको पाइला भेटेको छ । हिममानव यती यसभन्दा पहिले मकालु–वरुण राष्ट्रिय निकुञ्जमा मात्र देखिएको थियो,’ पोस्टमा उल्लेख छ ।
नेपालको हिमालय क्षेत्रमा यती र यतीको पाइला देखिएको दाबी यो पहिलो होइन । यद्यपि यसको ठोस प्रमाण अहिलेसम्म कसैले दिन सकेको छैन ।
For the first time, an #IndianArmy Moutaineering Expedition Team has sited Mysterious Footprints of mythical beast 'Yeti' measuring 32×15 inches close to Makalu Base Camp on 09 April 2019. This elusive snowman has only been sighted at Makalu-Barun National Park in the past. pic.twitter.com/AMD4MYIgV7
— ADG PI – INDIAN ARMY (@adgpi) April 29, 2019
