कर्मभुमि कम्युनिकेशन एण्ड पब्लिकेशन प्राईभेट लिमिटेड ढोरपाटन नगरपालिका–१ द्वारा सञ्चालित रेडियो बुर्तिबाङ ९५.६ मेगाहर्जले पत्रकार महासंघ बागलुङका अध्यक्ष दिल शिरीषलाई स्वागत तथा बधाई ज्ञापन गरेको छ ।
रेडियोमा स्वागत, सम्मान तथा छलफल कार्यक्रमको आयोजना गरि नेपाल पत्रकार महासंघ बागलुङका नबनिर्वाचित अध्यक्ष शिरीषलाई शुक्रबार बधाई ज्ञापन गरिएको हो ।
कार्यक्रममा बोल्दै अध्यक्ष शिरीषले समाजको लागि आबश्यकता महसुस हुने खालका विषयबस्तु गठन गर्ने तर्फ पत्रकार तथा सञ्चारकर्मीको ध्यान जानुपर्नेमा जोड दिनुभयो । उहाँले खोजमुलक समाचार र कार्यक्रम उत्पादन तथा प्रकाशन प्रसारण कम हुने गरेको भन्दै आफ्ना कमल र आवाजलाई खोजमुलक विषमा केन्द्रित गर्न पत्रकारहरुलाई आग्रह गर्नुभयो । पत्रकार महासंघले जिल्लामा श्रमजिबि ऐन कार्यान्वयको स्थालगत अध्ययन, त्यसको कार्यान्वयन, पत्रकारहरुको क्षमता विकास सँगै महासंघको भवन निर्माणको अभियान सुरु गरेको बताउनुभायो ।
रेडियोका संरक्षक तुल्सिराम आर्यालले पत्रकारिता सम्मानित, संबेदनशिल र जोखिम मिश्रित पेशा भएको भन्दै समाजप्रतिको उत्तरदायित्व बुझेर व्यवायिक पत्रकारीता गर्ने पत्रकारको भबिष्य उज्ज्वल रहेको बताउनुभयो ।
कार्यक्रममा अर्का संरक्षक टंकप्रसाद पौडेल, प्रबन्ध निर्देशक ईश्वरीप्रसाद पौडेल, सल्लाहकार ओमकुमार नेपाली, समाजिक व्यक्तित्व ददिराम शर्मा र रेडियो साथी क्लवका सहसचिव कमला खनालले मन्त्व्य राख्नुभएको थियो ।
अध्यक्ष शिरीषलाई खादा र अबिर लगाएर सम्मान सहित बधाई ज्ञापन गरिएको थियो । कार्यक्रममा जिल्लामा श्रमजिबि पत्रकार ऐन कार्यान्वयनको अबस्था, पश्चिम बागलुङमा पत्रकारीताको अभ्यास, महासंघले सुरु गरेको ‘हामी सबैको रहर पत्रकार महासंघको घर’ अभियान लगायत पत्रकारिता सँग सम्बन्धित समसायिक बिषयमा छलफल गरिएको थियो ।
पत्रकार महासंघका अध्यक्ष शिरीषले रेडियोका सञ्चालक तथा सञ्चारकर्मीलाई भवन निर्माणको आर्थिक अभियानमा सक्दो सहयोग गर्न आग्रह गर्नुभएको थियो । रेडियोका प्रबन्ध सञ्चालक चन्द्र अर्यालले रेडियो बुर्तिबाङका सञ्चालक र सञ्चारकर्मी महासंघसँग सहकार्य तथा सहयोगका लागि सँधै प्रतिबद्ध रहेको बताउनुभएको थियो ।
कार्यक्रम प्रबन्ध सञ्चालक अर्यालको अध्यक्षता, कार्यक्रम संयोजक योगेन्द्र विश्वकर्माको स्वागत र स्टेशनम्यानेजर तथा नेपाल पत्रकार महासंघ बागलुङका सदस्य कृष्ण कँडेलको सञ्चालनमा सम्पन्न भएको थियो ।
