काठमाडौं। नेपाल आयल निगमले इन्धनको मूल्य बढाएको छ। निगमले विहीबार मध्यरातिदेखि लागु हुनेगरी पेट्रोलियम पदार्थको मूल्य बढाउने निर्णय गरेको हो।
निगम सञ्चालक समितिको बैठकले पेट्रोलमा एक रूपैयाँ, डिजेल तथा मट्टीतेलमा दुई/दुई रूपैयाँ तथा हवाई इन्धनमा पाँच रूपैयाँ मूल्य बढाउने निर्णय गरेको हो।नयाँ निर्णयअनुसार अब पेट्रोलको मूल्य प्रतिलिटर १०४ रूपैयाँ पुगेको छ।
यसैगरी डिजेल र मट्टीतेल प्रतिलिटर ८३/८३ रूपैयाँ पर्छ। मूल्य वृद्धिपछि निगमलाई पेट्रोलमा प्रतिलिटर २.०१ रूपैयाँ तथा डिजेल र मट्टीतेलमा प्रतिलिटर ३.३७ रूपैयाँ नोक्सान छ।
