नेपाल पत्रकार महासंघले जेठ १९ गते केन्द्र, प्रदेश र जिल्ला समितिको निर्वाचन गर्ने निर्णय गरेको छ ।
बिहीबार बसेको महासंघको केन्द्रीय समिति बैठकले केन्द्र, प्रदेश र जिल्ला समितिको निर्वाचन एकै दिन गर्ने निर्णय गरेको हो ।
विधान बमोजिम प्रत्यक्ष निर्वाचन प्रणालीमार्फत प्रत्येक शाखामा मतपेटिका राखेर मतदान गर्ने निर्णय गरेको छ ।
बैठकले वैशाख मसान्तभित्र सदस्यता शुद्धीकरण समिति र संगठन समितिले टुङ्गो लगाउने निर्णय गरेको छ भने शुक्रवारका लागि महाधिवेशनमा पेश हुने महासचिवको सांगठनिक र कोषाध्यक्षको आर्थिक प्रतिवेदन पारित गरेको छ ।
