पोखरा । प्रधानमन्त्री पुष्पकमल दाहाल प्रचण्डलाई पोखरामा सहकारी पीडितहरूले कालोझण्डा देखाएका छन् ।
सूर्यदर्शन सहकारीका पीडितहरूले बुधबार बिहान गण्डकी प्रदेशस्तरीय कार्यकर्ता प्रशिक्षण कार्यक्रममा सहभागी हुन पोखरा सभागृहमा पुगेका प्रधानमन्त्री प्रचण्डलाई कालोझण्डा देखाएका हुन् ।
प्रधानमन्त्री प्रचण्डले कालोझण्डा देखाउने सहकारी पीडितले ब्लण्डर गल्ती गरेको बताएका छन् ।
यो सरकार पीडितहरूको पक्षमा छ । ५ लाखसम्मको बचत फिर्ता गर्ने सरकार यही हो ।
यस्तो सरकालाई कालो झन्डा देखाएर तपाईंहरुले ब्लण्डर गर्नुभयो प्रचण्डले भने ।
कालो झण्डा देखाउने ११ जनालाई प्रहरीले नियन्त्रणमा लिएको छ भने प्रहरीको कुटाइबाट घाइते भएका दुई जना घाइतेहरुलाई उपचारका लागि अस्पताल लगिएको छ ।
