डाँडापारी भनेर चिनिने बागलुङ नगरपालिकाको वडा नं. ११ (साविक रायडाँडा गाविस) अन्यको तुलनामा पुर्वधार विकास तर्फ पछि परेको वडा हो । कठिन तथा भिरालो भौगालिक अवस्थितीका कारण पूर्वाधार तथा विकास निर्माणमा उल्लेख्य प्रगती हुन नपाएको सो वडामा स्थानिय तहको निर्वाचनपछि कामले गति लिन थालेको छ ।
दुई दशक बढि पत्रकारितामा आवद्ध ज्ञानेन्द्र गौतम गत स्थानिय तहको निर्वाचनमा वानपा ११ बाट अध्यक्ष पदमा निर्वाचित भए पछि सो वडामा अल्पकालिन र दिर्घकालिन विकास रणनिती मार्फत विकासका गतिविधि थालिएको छ । स्थानिय रुपमा शिक्षा, स्वास्थ्य,पूर्वाधार, कृषि, खानेपानी, खेलकुद पर्यटन तथा धर्म संस्कृति लगाएतका क्षेत्रलाई वर्गीकरण र प्राथमिकीकरण गरि योजना निर्माण गरिएको छ । “पहिलो वडा सभाबाट नै यहाँको सवै आवश्यकता पहिचान भै सकेको छ । यसलाई अल्पकालिन र दीर्घकालिन रणनिती मार्फत क्रमस पुरा गर्ने लक्ष्य लिएको छु ।”वडा अध्यक्ष गौतम भन्छन । बाइट……
विकासको मेरुदण्ड सडक नै भएका कारण यस वर्षको ठूलो वजेट नगरपालिका मुकामदेखि रायडाँडा सम्म जोडिने मुख्य सडक र अन्य वडा भित्रकासडकको प्राविधिक सर्वे सम्पन्न गरि उपभोक्ता समिति मार्फतनिर्माण कार्य थालिएको अध्यक्ष गौतमले जानकारी दिए । सडक बाहेक स्थानिय गोरेटा वाटा र अन्तर वार्ड स्तरीय पदमार्ग निर्माणका लागि समेत नगरसभा मार्फत योजना निर्माण गरिएको छ ।
यहाँको एकमात्र माध्यमिक तहसम्म पढाईहुने महाविद्याजन माविको भवन २०७२ मा गएको भुकम्पका कारण पूर्ण क्षति ग्रस्त छ । विद्यार्थीहरु चौरमा पढिरहेका अवस्थामा जिल्ला शिक्षा कार्यालय र नगरपालिको सहयोगमा ट्रस निर्माण गरि पठनपाठन गराईएको छ । वडा अध्यक्ष गौतमका अनुसार तत्कालिन समस्या समाधान यसरी गरिए पनि पुर्ननिर्माण प्राधिकरण र अन्य क्षेत्रको स्रोत जुटाई करिव दूई करोड लागतको १५ कोठा भवन निर्माणको लक्ष्य राखिएको छ । यस वडा भीत्र संचालित अन्य विद्यालयको शैक्षिक गुणस्तर र पूर्वाधार विकासको क्षेत्र प्राथमिकतामा रहेको छ । उनका अनुसार अहिले वडा कार्यालय र स्वास्थचौकि भवन निमाणधिन अवस्थामा रहेका छन ।
कृषिमा प्रचुर संभावना रहेका रायडाँडालाई तरकारी र मासुजन्य उत्पादनमा पकेट क्षेत्र बनाउने उद्धेश्य अनुरुप तत्काल बाख्रापालन तथा तरकारीका लागि संभाव्यता अध्यन र प्रयोग थालिएको अध्यक्षको भनाई रहेको छ । यसका लागि आवस्यक उपकरण, विउ विजन, घास, सिचाई तथा मलखादको अनुदान सहयोगका लागि समेत नगरपालिकाको कृषि विकास शाखा संग समन्वय गरिने अध्यक्ष गौतमले जानकारी दिए । स्थानिय उत्पादनमा सवैको रोजाई रहने बाँको सिन्की, मुलाको धजरा लगाएत स्थानिय जंगलमा पाईने जडिवुटी संकलन, प्रशोधन र उत्पादनका लागि विषेश कार्यक्रम बनाउने अध्यक्ष गौतमको योजना छ ।
तीनवटा धातुखानीको संभाव्यता अध्ययन र संचालनका लागि नगरसभा मार्फत सम्वन्धित निकायमा पहल शुरु गरिएको र वर्षौ देखी यहाँ उत्पादन हुने पाटे कम्वल प्रर्वद्धनका लागि दीर्घकालिन लक्ष्य राखिएको छ ।
वडाको खानेपानीको सहज आपुर्तिको लागि विभिन्न स्थानमा मर्मत तथा व्यवस्थापन उपभोक्ता समिति गठन गरिएको छ ।
