भारतिय सिने जगतका महानायक अमिताभ बच्चनले कोरोना भाइरसको कारण भारतमा जारी लकडाउनको कारण अति प्रभावित विपन्न मजदुरहरुलाई खाद्यान्न सहयोग गर्ने भएका छन । उनले दैनिक ज्याला मजदुरी गर्ने एक लाख मजदुरलाई खाद्यान्न दिने घोषणा गरेका हुन ।
अमिताभ बच्चनले सोनी पिक्चर नेटवर्क र कल्याण ज्वेलर्ससँग मिलेर ठूलो परिमाणमा सहयोग गर्ने जानकारी ट्वीटरमार्फत दिएका छन्। बच्चनको अभियान वी आर वान अर्थात हामी सबै एकुलाई सोनी पिक्चर नेटवर्क र कल्याण ज्वेलर्स समर्थन गरेको छ ।
उनले यो अभियान सफल बनाउन भारतको कैयौ हाइपर मार्केट र ग्रासरी स्टोरसँग सहकार्य गरेका छन्। यस अभियानमा अल इण्डिया फिल्म इम्प्लोइज कन्फेडेरेसनका सदस्यहरुलाई समेत सामेल गरेर उनीहरुलाई डिजिटल कुपन वितरण गरी खान नपाएका मजदुरसम्म खाद्यान्न पुर्याउने योजना रहेको छ ।अभिनेता अमिताभ बच्चनले देशमा समस्या परेका नागरिकहरुलाई आर्थिक भौतिक सहयोग गर्दै आएका छन ।
