चैत्र ११ गतेबाट नियमित उडान बन्द भएपछि रोजगारीका लागि खाडी देश गएका केही नागरिकको मृत्यु भएपनि शव नेपालसम्म ल्याउन नसकेकोमा लकडाउन खुलेसँगै शवहरू ल्याउन थालिएको छ ।
शुक्रबार मात्र चार्टड उडान मार्फत कतारबाट २० शव नेपाल आएका छन्। वैदेशिक रोजगार बोर्डका अनुसार विदेशबाट आएका शवको पहिचान र नेपालभित्रै पठाउनु पर्ने जिल्लाको सबै विवरण आउन केही समय लाग्ने छ।
अहिले अनुमानित विवरण आएको र शवको विस्तृत पहिचान र एकिन संख्या आउन केही समय लाग्ने बोर्डले जानकारी गराएको छ । लकडाउनको अवधीमा खाडी मुलुकमा मात्र १ सय भन्दा धेरैको मृत्यु भएको छ । उनीहरुको शव नेपाल पठाउन त्यहाँको सरकार र नेपाली दूतावासले शुरु गरेका छन् ।