साउथ एसियन इकोनोमिस्ट स्टुडेन्ट समिटमा भाग लिएका पाल्पाको त्रिभुवन बहुमुखी क्याम्पसमा बीबीएस पाँचौँ सेमेस्टरमा अध्ययनरत निकिता शाही नेतृत्वको टोली पहिलो भएको छ ।
सो समिटमा दक्षिण एसियाका नेपाल, भारत, बंगलादेश, अफगानिस्तान, पाकिस्तान र श्रीलंकाका विद्यार्थीले भाग लिएका थिए ।
टोलीले तीन हजार अमेरिकी डलर पुरस्कारसमेत जितेको छ ।
शाहीको आठ महिना लामो टेक्सटाइल इन्डस्ट्रिजको अनुसन्धान गरेर समिटमा पेस गरेको रिसर्चले अवार्ड जितेको हो ।
सन् २०१९ बाट सुरु भएको उक्त समिट यसपटक श्रीलंकामा आयोजना गर्ने भनिए पनि कोरोना संक्रमणका कारण भर्चुअल माध्यमबाट भएको थियो । उक्त प्रतियोगितामा आठवटा टोली सहभागी थिए ।
