बागलुङका सस्थागत विद्यालय मध्य सवै भन्दा धेरै विद्यार्थी रहेको चिल्ड्रन लाईफ बोर्डिङ स्कुलबाट सरस्वती पूजाको दिन ५६ जना बालबालिकाले अक्षरारम्भ गरेका छन् । सरस्वती पूजाको दिन अक्षरारम्भ गर्दा राम्रो हुने भन्दै यस दिन धेरै बालबालिका विद्यालय भर्ना हुने गरेका छन् ।
सरस्वती पूजाको अवसरमा विहान विद्यालयमा पूजाआजा गरिएको थियो भने आजबाट विद्यालय आउने बालबालिकालाई अक्षरारम्भ गराइएको विद्यालयका प्रिन्सीपल नवराज श्रेष्ठले जानकारी दिनु भयो । बागलुङका सस्थागत विद्यालय मध्य सवै भन्दा धेरै विद्यार्थी रहेको चिल्ड्रन लाईफ बोर्डिङ स्कुलमा १५ सय भन्दा वढी विद्यार्थी अध्ययनरत रहेका छन् ।
विद्यार्थी, शिक्षक र अभिभावकको उपस्थितीमा पूजा गरिएको विद्यालयले जनाएको छ । विद्यालय पठाउने उमेर पुगेका बालबालिकालाई आजकै दिनदेखि अक्षरारम्भ गराउने चलन पनि रहेको छ । आजको दिनदेखि विद्यालय पठाउँदा ज्ञान र बुद्धि धेरै हुने जनविश्वास रही आएको छ ।
