बागलुङ ।नेपाल शिक्षक महासंघ राष्ट्रिय समितिको आह्वानमा सुरु भएको प्रथम चरणकोआन्दोलनको कार्यक्रम अन्तर्गत आज शिक्षा विकास तथा समन्वय इकाई बागलुङमा ध्यानाकर्षण पत्र बुझाएको छ ।
नेपाल शिक्षक महासंघ राष्ट्रिय समितिका उपमहासचिव पुस्कर सापकोटाले सरकारले शिक्षकसँग विसं २०७५, २०७८ र २०८० मा गरेको सहमति अनुसार हिउँदे अधिवेशनबाट विद्यालय शिक्षा ऐन जारी हुनुपर्ने बताउदै सबै शिक्षकहरुलाई काठमाडौं केन्द्रित आन्दोलनका लागि तयार हुन आग्रह गर्नु भयो ।
उपमहासचिव सापकोटाले विद्यालय शिक्षा ऐनमा समावेश गरिनु पर्ने मुख्य माग वाचन गरी ध्यानकर्षणपत्र शिक्षा विकास तथा समन्व इकाई बागलुङका निमित्त प्रमुख दल बहादुर थापालाई हस्तान्तरण गर्नु भएको थियो ।
उक्त कार्यक्रममा एकीकृत अखिल नेपाल शिक्षक संगठन बागलुङका अध्यक्ष वीरबहादुर चोखाल, अखिल नेपाल शिक्षक संघ बागलुङका अध्यक्ष मित्रदत्त ढकालले मन्तव्य राख्नु भएको थियोे ।
हाम्रो माग सम्बोधन हुने गरी यो हिउदे अधिवेशनबाट विद्यालय शिक्षा ऐन जारी गरियोस भन्दै शिक्षकहरुले खबरदारी जुलुश सहित ध्यानाकर्षण गराएका थिए ।
उक्त अवसरमा गंगा कुमारी शर्माको संयोजकत्वमा आन्दोलन परिचालन समिति गठन गरेको छ । समितिको सहसंयोजकमा वीरबहादुर चोखाल, सचिवमा मित्रदत्त ढकाल र कोषाध्यक्षमा नन्द कुमारी ठकुरी रहेका छन् । साथै सदस्यहरुमा उमाकान्त पौडेल, हरि प्रसाद पौडेल, घनश्याम रिजाल, जमुना थापा बुढाथोकी, वालकृष्ण सापकोटा, चित्रबहादुर केसी रहेका छन् ।
कार्यक्रम नेपाल शिक्षक संघ बागलुङका अध्यक्ष उमाकान्त पौडेलको अध्यक्षता, नेपाल राष्ट्रिय शिक्षक संगठन बागलुङका अध्यक्ष गंगा कुमारी शर्माको सञ्चालनमा सम्पन्न भएको थियो ।
