काठमाडौं ।प्रत्यक्ष दृष्टि बचत तथा ऋण सहकारीको १५औँ वार्षिक साधारण सभा तथा ५औँ अधिवेशनले श्याम प्रसाद श्रेष्ठको अध्यक्षतामा नयाँ कार्यसमिति चयन गरेको छ ।
शुक्रबार काठमाडौंमा सम्पन्न अधिवेशनले उपाध्यक्षमा शैब्या प्रधान, सचिवमा विष्णु कुमारी उपाध्याय, कोषाध्यक्षमा केमिकल शाक्य रहेका छन् । साथै सदस्यहरुमा कृष्ण कुमार राजभण्डारी, विद्या श्रेष्ठ र राजेशचन्द्र राजभण्डारी चयन भएको निर्वाचन समितिका प्रमुख अधिवक्ता गोपाल प्रसाद शर्माले जानकारी दिनुभयो ।
२०६७ साल पौष २ गते डिभिजन सहकारी कार्यालय काठमाडौंमा दर्ता भै ४८८ जना शेयर सदस्यको सहभागितामा संचालनमा आएको सहकारीको शेयर पुँजी रु २ करोड ४५ र निक्षेप रु २२ करोड रहेको छ ।
आर्थिक वर्ष २०८१ र ८२ मा कर्जा रु १६ करोड ५० लाख प्रवाह गरेको र ७ करोड तरलता रहेको प्रत्यक्ष दृष्टि बचत तथा ऋण सहकारीका प्रबन्धक किस्मत जंग राजभण्डारीले नयाँविश्वलाई बताउनुभयो । ८ प्रतिशत लाभांश वितरण गरेको सहकारीले छ जना युवाहरुलाई रोजगारी समेत दिएको छ ।
