बागलुङ। एनआइसी एशिया बैंकले ग्राहकहरूको आवश्यकतालाई हरसम्भव पूरा गर्नका ‘एन आइसी एशिया साथी घर कर्जा’ योजना सार्वजनिक गरेको छ। बैंकले ग्राहकका लागि १० करोड रुपैयाँसम्म घर कर्जा प्रदान गर्ने उद्देश्य अनुरुप योजना सार्वजनिक गरेको हो।
बैंकले सार्वजनिक गरेको यस घर कर्जा योजना अन्तर्गत सात वर्षको लागि ६.९९ प्रतिशतस्थिर ब्याजदर एवं अन्य आकर्षक सेवा सहित उपलब्ध हुनेछ।
न्यूनतम २५ लाख रुपैयाँदेखि अधिकतम १० करोड रुपैयाँसम्म प्रदान गरिने यस एनआइसी एशिया साथी घर कर्जा अन्तर्गत घर तथा अपार्टमेन्ट खरिद गर्न, घर निर्माण तथा पुनःनिर्माण गर्न एवं घडेरी खरिद गर्नका लागि सहज कर्जा प्रक्रियाबाट प्रदान गरिने यो कर्जाको अवधि अधिकतम २५ वर्ष रहेको छ।
घर खरिद तथा निर्माण गर्ने ग्राहकहरुको सपना साकार पार्न ठोस टेवा पु¥याउने उद्देश्यले बैंकले ल्याएको यस कर्जा योजना अन्तर्गत पहिलो पटक घर खरिद वा निर्माण गर्ने ग्राहकको हकमा कर्जा र सोको धितो सुरक्षणको अनुपात अधिकतम ८० प्रतिशत र अन्यको हकमा अधिकतम ७० प्रतिशत कायम गरिएको छ।
साथै, यस योजना अन्तर्गत घर कर्जा लिने ग्राहकहरुले लाइफ टाइम निःशुल्क क्रेडिट कार्ड सेवा प्राप्त गर्नु हुनेछ।
