बागलुङ । नेपाली कम्युनिस्ट पार्टी (नेकपा) ले ९ जना समानुपातिक सांसद छानेर उनीहरूको नाम निर्वाचन आयोगमा सिफारिस गरेको छ ।
निर्वाचन आयोगमा नेकपाले बुझाएको नामहरूमा खसआर्यबाट प्रमेश हमाल र बलावती शर्मा, आदिवासी जनजाति समूहबाट परशुराम तामाङ र भीमकुमारी बुढा, अपाङ्गताबाट प्रेमबहादुर बयक, मधेशी समूहबाट जोगकुमार बर्बरिया यादव, दलितबाट पार्वती विक र गणेश विश्वकर्मा, थारू समूहबाट निराशा चौधरी डगौरा रहेका छन् ।
नेकपाले टुंग्याएको समानुपातिक सांसदमा सहसंयोजक माधवकुमार नेपाल पक्षका नेताहरु प्रमेश हमाल र गणेश विश्वकर्मा परेका छन् । तर स्वंय नेपाल भने निर्वाचित हुन सकेनन् उनी रौतहट–१ मा उनी चौथो स्थानमा सीमित भएका थिए ।
निर्वाचन आयोगमा सिफारिस भएका यी नामहरू निर्वाचन आयोगले स्वीकृत गरेपछि निर्वाचित हुनेछन् ।नेकपाले प्रत्यक्षतर्फ भने ८ सिट जितेको छ ।
