विश्व प्रसिद्ध भारतीय क्रिकेट खेलाडी सचिन तेन्दुलकरकाे जीवनीमा अाधारित फिल्म छिट्टै प्रदर्शन हुदै छ।
जेम्स एर्सकिनले निर्देशन गरेकाे फिल्ममा सचिनलाई युवा खेलाडीदेखि विश्व क्रिकेटकाे महान खेलाडीसम्मकाे इतिहास देखाईएकाे छ । चार वर्ष लगाएर बनाईएकाे यस फिल्ममा सचिनकाे परिवार, साथीहरू ,क्रिकेट खेलाडीहरू विराट काेहली र महेन्द्रसिह धाेनीकाे अन्तरंग वार्ताकाे दृष्य समेटिएको छ । भारतका लागि दुई सय टेस्ट खेलेका सचिनले सन १९८९ मा १६ वर्षको उमेरमा खेल जीवनमा प्रवेश गरेका थिए । दायाँहाते ब्याट्सम्यान सचिन तेन्दुलकर भारतीय क्रिकेटका पूर्व कप्तान समेत हुन । सन २०१४ मा सचिनकाे अात्मकथा पनि प्रकाशित भएकाे थियाे । सन १०१३मा सन्यास लिएका सचिनले धेरै ब्याटिङ कीर्तिमान अाफ्नाे नाममा लेखाएकाे छ भने सय अन्तर्राष्ट्रिय शतकसंगै सर्वाधिक ३४ हजार रन बनाएका छन । ‘म नितान्त निजी प्रवृत्तिकाे मान्छे हु । मलाई जहिल्यै पनि लागेकाे थियाे ,खासमा मैले बाेल्ने हाेइन ,मेराे ब्याटले बाेल्ने हाे । मैले अाफ्नाे खेल जीवनमा क्रिकेटमै मात्र ध्यान दिए’ सचिनले अन्तरवार्तामा भनेका छन । यस फिल्मका निर्देशक एर्सकिनले भनेका छन सबैलाई उनकाे खेल तथ्यांक बारे थाहा हाेला । सचिनले खेलेका खास खास खेल बारे पनि राम्रैसंग थाहा हाेला । तर यसबीच उसकाे मनमा के के थियाे ? उनकाे निजी जीवन ,उनकाे इच्छा र सपना ,सुख र दुखबारे बिरलै धेरै तथ्य बाहिर अाएका छन । याे वास्तवमै महान क्रिकेट खेलाडीबारे फिल्म हाे । अाफ्नाे जीवनीमा अाधारित फिल्मकाे बनाेटकाे बारे सचिनले भनेका छन:
फिल्ममा पक्कै पनि केही यस्ता पारिवारिक दृष्य छन , जसलाई दर्शक हेर्न चाहन्छन । उनीहरूले पछिल्लो २४ वर्षमा मेराेबारे जति देखे ,त्याे भन्दा फरक हेर्ने इच्छा हुनु स्वाभाविक हाे । खेलकाे उतारचढावका बेला मेराे मनमा के खेलिरहेकाे हुन्थ्याे , त्याे कहिले पनि कसैलाई थाहा भएन । फिल्ममा यस्तै उतारचढाव र परिवार तथा मेरा प्रशंसकबीचकाे सम्बन्धबारे देखाइएकाे छ ।
