बागलुङ नगरपालिका–३ मा रहेको नेवार समुदायको मात्र सहभागी रहेको सहकारी शंखधर बहुमुखी सहकारी संस्थाको १५ वार्षिक साधारण सभा शनिबार सम्पन्न भएको छ । कार्यक्रम संस्थाका अध्यक्ष रतनप्रसाद श्रेष्ठको अध्यक्षता, संरक्षक द्वय डा. कृष्णबहादुर श्रेष्ठ र परशुराम श्रेष्ठको प्रमुख आतिथ्यता रहेको थियो ।
कार्यक्रममा राष्ट्रिय उपभोक्ता मंच बागलुङका अध्यक्ष शैलेन्द्रकुमार श्रेष्ठ, नागरिक समाज बागलुङका संयोजक काजी गाउँले श्रेष्ठ, पत्रकार महासंघ बागलुङका अध्यक्ष दिल शिरिष, समाजिक व्यक्तित्व देवबहादुर श्रेष्ठले मन्तव्य राखेका थिए । 
उक्त कार्यक्रममा २०७३ साको एसइइ परिक्षामा उत्तिर्ण भएका विद्यार्थी, जेष्ठ नागरिक, कर्मचारी, भाषा, कला र संस्कृतीको संरक्षणमा योगदान पु¥याउने, उत्कृष्ट बचत कर्ता, बाल बचत कर्ता, उत्कृष्ट सेयर लगाएतलाई सम्मान समेत गरिएको थियो । 
कार्यक्रमकै अवसरमा नेवारी भाषामा प्रकाशन गरिएको क्यालेण्डरको बिमोचन समेत गरिएको थियो । ४ सय ९० सेयर रहेको यस सहकारीको आम्दानी १ करोड १४ लाख ८ हजार १ सय ५३ आम्दानी रहेको छ ।
सहकारीले यस वर्ष ५ लाख ३३ हजार ५ सय ३० रुपैया मुनाफा गरेको छ भने १ करोड ८ लाख ७५ हजार ४ सय २३ रुपैया खर्च रहेको छ ।कार्यक्रम उक्त संस्थाका उपाध्यक्ष सुरेशप्रसाद श्रेष्ठको स्वागत मन्तव्य र सचिव उक्तम श्रेष्ठको संचालनमा कार्यक्रम समापन भएको थियो ।
