प्रत्यक्ष दृष्टि नेपालले राष्ट्रिय आविष्कार केन्द्रलाई आर्थिक सहयोग गरेका छन् ।प्रत्यक्ष दृष्टि नेपालका कोषाध्यक्ष किस्मत जंग राजभण्डारीले केन्द्रका सञ्चालक महावीर पुनलाई २५ हजार रुपैयाँ हस्तान्तरण गरे ।
आफ्नो गाउँको विकास गरी आविष्कार केन्द्रमार्फत देशकै मुहार फेर्न लागिपरेका पुनको अभियानमा सघाउन पाउँदा खुसी लागेको राजभण्डारीले नयाँ विश्वलाई बताए ।
‘नेपाली युवा वैज्ञानिकहरूको प्रतिभालाई उपयुक्त मञ्च दिएर उपभोक्तालाई आवश्यक सामग्री आविष्कार र उत्पादन गर्ने लक्ष्यसहित देशको मुहार फेर्न लागेका पुनलाई सानो सहयोग मात्र गरेका हुँ, भविष्यमा पनि सहयोग गर्ने छु’ प्रत्यक्ष दृष्टि नेपालका अध्यक्ष श्याम प्रसाद श्रेष्ठले नयाँ विश्वलाई भने ।
प्रत्यक्ष दृष्टि नेपालले विगतदेखि नै शैक्षिक, सामाजिक र मानवीय क्षेत्रमा सहयोग गर्दै आएको छ ।‘हामीले सहयोग चाहिएको आवश्यक क्षेत्रको पहिचान गर्दै सहयोग गर्दै आएका छौं’ अध्यक्ष श्रेष्ठले बताए ।
