बागलुङको ताराखोला गाउँपालिकामा थप सात जनालाई कोरोना संक्रमण पुष्टि भएको छ । ताराखोला–५ को ताराखोला स्वास्थ्यचौकीमा आठ जनाको एन्टिजेन परीक्षण गरिएकोमा ६ जनामा पोजिटिभ देखिएको छ ।
त्यस्तै वडा नम्बर ४ का २ जनाको हिल स्वास्थ्य चौकीमा एन्टिजेन परीक्षण गरिएकोमा एक जनामा कोरोना पुष्टि भएको ताराखोला गाउँपालिकाका स्वास्थ्य शाखा प्रमुख उदित थापाले जानकारी दिए ।
ताराखोला गाउँपालिकामा अहिलेसम्म सक्रिय संक्रमितको संख्या १८ पुगेको नसिङ अधिकृत नीता घर्तीमगरले बताइन् ।
