बागलुङ उद्योग वाणिज्य संघको समन्वयमा जिल्लामा सञ्चालित अत्यावश्यक वस्तु तथा सेवा व्यवसाय गर्ने व्यवसायीहरुलाई लगाउने खोप कार्यक्रम स्थगित भएको छ ।
जिल्ला प्रशासनका कार्यालय बागलुङले साउन १४ र १५ गते व्यवसायीलाई लगाउने भनिएकाे खोप कार्यक्रम स्थगित भएकाे जानकारी दिएको बागलुङ उद्योग वाणिज्य संघका अध्यक्ष युवराज राजभण्डारीले बताए ।
अध्यक्ष राजभण्डारीका अनुसार कोरोना विरुद्धको कोभिड–१९ को खोप लगाउने कार्यक्रम प्राविधिक कारणबस तोकिएको समयमा लगाउन नपाइने भएको छ ।
संघले विज्ञप्ति जारी गर्दै खोप कार्यक्रम अर्को सावर्जनिक सूचना नआएसम्मका लागि स्थगित भएको जनाएको छ ।
बागलुङका व्यवसायीहरुलाई साउन १४ र १५ गते बागलुङ नगरपालिका–२ रुद्रेपिपल माध्यमिक विद्यालयमा लगाउने कार्यक्रम रहेको थियो ।
