बागलुङ उद्योग वाणिज्य संघ महिला उद्यमी विकास समिति बागलुङको आयोजनामा बागलुङ बजारका व्यवसायी महिलाहरुलाई प्रदान गरिएको महिला सशक्तिकरण तथा भाषण कला संम्बन्धी प्रशिक्षण सम्पन्न भएको छ ।
कार्यक्रममा बागलुङ उद्योग वाणिज्य संघका अध्यक्ष युवराज राजभण्डारीले व्यवसायी महिलालाई विभिन्न विषयमा जानकारी र भाषण कलाको तालिमले विभिन्न क्षेत्रमा नेतृत्व गर्न सहयोग पुग्ने बताए । महिलाहरुको नेतृत्वमा उद्योग र व्यापारको विकासमा धेरै सकरात्मक परिणाम आएको छ, महिलाको भूमिकालाई अझ प्रभावकारी ढंगले अगाडि बढाउन सबैले सहकार्य गर्नु पर्ने अध्यक्ष श्रेष्ठले बताए ।
कार्यक्रममा बागलुङ उद्योग वाणिज्य संघका सल्लाहकार देवबहादुर श्रेष्ठ,प्रशिक्षक प्रेस सेन्टर नेपाल गण्डकी प्रदेशका उपाध्यक्ष राम थापा,प्रशिक्षार्थी दिपिका गौतम,मनकामना श्रेष्ठले मन्तव्य व्यक्त गरेका थिए ।
महिला उद्यमी विकास समिति बागलुङकी अध्यक्ष भगवती केसीको अध्यक्षता तथा स्वागत तथा कार्यक्रमको संचालन सचिव जुनु श्रेष्ठले गरेकी थिइन । चार दिनसम्म आयोजना गरिएको प्रशिक्षणमा ५३ जना महिलाहरुको सहभागिता रहेको थियो ।
प्रशिक्षण कार्यक्रममा महिला सशक्तिकरण संम्बन्धमा सहयात्रा बागलुङकी अध्यक्ष शकुन्तला शर्मा, महिला र कानुनको संम्बन्धमा अधिवक्ता ममता शर्मा र उद्घोषण तथा भाषण कला संम्बन्धी तालिम नेपाल भाषा मंका खल बागलुङको सचिव सुदिप राजभण्डारी र प्रेस सेन्टर नेपाल गण्डकी प्रदेशका उपाध्यक्ष राम थापा अविरलले दिएको थियो ।उक्त कार्यक्रमको लागि बागलुङ उद्योग वाणिज्य संघले आर्थिक सहयोग प्रदान गरेको थियो ।
