काठमाडौं । बागलुङको निसीखोला गाउँपालिका अध्यक्ष सूर्यबहादुर घर्तीमगर विरुद्धको सुनुवाई स्थगित भएको छ ।
शुक्रबार न्यायाधीश सपना प्रधान मल्ल र बालकृष्ण ढकालको इजलासमा रहेको लागूऔषध (गाजा) सम्बन्धी मुद्दाको सुनुवाइ स्थगित भएको हो ।
इजलास नम्बर ३ को १६ औं नम्बरमा रहेको सोही मुद्दाको सुनुवाइ स्थगित भएको छ ।
गत २०७७ साल असार १२ गते निसीखोला गाउँपालिका ६ को वडा अध्यक्ष हुँदा ८० केजी गाँजासहित आफ्नै घरबाट घर्ती पक्राउ परेका थिए ।
पक्राउपछि ३ पुस ०७९ मा जिल्ला अदालत बागलुङले साढे तीन वर्ष कैद र ५० हजार जरिवाना गरेको थियो । त्यस लगत्तै उक्त फैसलाविरुद्ध घर्तीले २०८० जेठ ३ मा उच्च अदालत पोखरा, बागलुङ इजलासमा पुनरावेदन दिएका थिए ।
२०८० असोज २१ गते न्यायाधीशद्वय मदन पोख्रेल र माधविन्द्रराज रेग्मीको संयुक्त इजलासले घर्तीलाई तीन वर्ष छ महिना कैद र ५० हजार जरिवाना गरेको थियो ।