ताजा समाचार



पुरानो

फागुन २० गते २०७५

शिवरात्रीका अबसरमा पशुपतिनाथ मन्दिरमा बिभिन्न भेषमा देखिएका बाबाहरु

- नयाँविश्व सम्वाददाता,

काठमाडौं–पशुपतिनाथ मन्दिरमा बिगत बर्षहरुमा जस्तै यसबर्ष पनि बिहानै तीन बजेदेखि लाम बसेर पुजा गर्ने दर्शनार्थीहरुले पुजा अर्चना गर्ने क्रम जारी छ । पशुपति बिकास कोषले यसबर्ष करिब १० लाख भक्तजनले पुजा अर्चना गर्नेगरी ब्यवस्था मिलाएको जानकारी गराएको छ ।विगत बर्षहरुमा करिब ५ लाख सम्म दर्शनार्थीले शिवरात्रीका दिन दर्शन गरेको भएप्नि यस बर्ष ब्यवस्थापनमा सुधार गरेकोले दर्शनार्थीको संख्यामा बृद्धि हुने कोषको दाबी छ ।

दर्शनार्थीका अतिरिक्त पशुपति मन्दिर क्षेत्र परिसरमा नागाबाबा देखि जोगी जलन्धर सन्त, महन्तको बाक्लो उपस्थिती छ । कोषका अनुसार करिब ४ हजार बाबा उपस्थित छन् । उनीहरुलाई खाने,बस्ने र धुनी जगाउने काठको ब्यवस्था कोषले नै मिलाईदिएको छ ।

उनीहरुलाई कोषको नियमानुसार कोषले बुधबार दानदक्षिणा सहित बिदाई गर्ने जानकारी गराएको छ । पशुपतिनाथ मन्दिरमा बिभिन्न आसनमा देखिएका बाबाहरुलाई हेर्न र उनीहरुबाट आर्शिवाद लिन भक्तहरु उनीहरु समक्ष पुग्ने गरेका छन् । शिवजीको प्रसाद मानेर बाबाहरुले बिभिन्न भेष धारण गर्दै गाजा,भाङ, धतुरो जस्ता नशालु चीज सेवन गरेको दृश्य पशुपति पुग्नेहरुका लागि आफैमा रोमाञ्चक छन् । पशुपति परिसरमा बिभिन्न भेषधारी बाबाहरुका मुहारचित्र क्यामरामा कैद गरिएका छन् ।

तस्बीर : आरके अदिप्त गिरी

Leave a Reply