सहकारी तथा गरिबी निवारण राज्य मन्त्री तथा निवर्तमान सांसद् चम्पादेवि खड्काले आफुलाई मुलकुको संविधान निर्माण गर्न निकाय संविधान सभामा निर्वाचित गर्ने बागलुङवासीलाई धन्यवाद दिएकी छन् ।
उनले संसदको कार्यकाल सकिएपछि निकालेको बक्तव्यमा आफुलाई निर्वाचित गरेर संविधान निर्माणको जिम्मेवारी दिएकोमा आफ्ना मतदाता, शुभाचिन्तक र पार्टी नेता कार्यकर्तलाई धन्यवाद दिएकी हुन् । उनी यसअघिको बागलुङ निर्वाचन क्षेत्र नम्बर–१ मा भएको उपनिर्वाचनमा प्रत्यक्ष निर्वाचित भएकी थिईन् ।
उनका पति तथा क्षेत्र नम्बर–१ बाट प्रत्यक्ष निर्वाचित सभासद् हरिबहादुर खड्काको जीप दुर्घटनामा निधन भएपछि भएएको उप निर्वाचनबाट उनी निर्वाचित भईकी थिईन् ।
राज्यमन्त्री खड्काले आफ्ना दिवंगत पति हरिबहादुर खड्काले जनताप्रति गरेका वाचा पुरा गर्न नपाएको स्मरण गरेकी छन् । ‘मेरा पतिलाई सभासद निर्वाचित गरेर तपाईले गरेको विश्वस र उहाँले यहाँहरुबीच गरेका वाचा पुरा गर्न पाउनुभएन,’ उनले भनिकी छन्, ‘दैवको खेल यस्तै भयो ।’
खड्काले आफुलाई मतदाताले संविधान निर्माणको जिम्मेवारी दिएकोमा त्यो पुरा गरेको बताएकी छन् । आफु जनताको प्रतिनिधि रहँदा सकेजती जनताको काम गरेको स्मरण गरेकी छन् ।
