काठमाडौं। चन्द्रागिरि हिल्स लिमिटेडको अध्यक्षमा हेमराज ढकाल सर्वसम्मत रुपमा चयन भएका छन् ।२१ पुसमा बसेको सञ्चालक समितिको बैठकले ढकाललाई चन्द्रागिरि हिल्सको अध्यक्षमा निर्विरोध चयन गरेको हो ।
साथै १३औं वार्षिक साधारण सभाले उत्तमकुमार नेपाल, कल्याण गुरुङ र दीलिप शेखर श्रेष्ठलाई सञ्चालक समिति सदस्यमा सर्वसम्मत चयन गरेको थियो ।
कम्पनीले ऐतिहासिक र साँस्कृतिक महत्व बोकेको चन्द्रागिरि डाँडामा भालेश्वर महादेव मन्दिर, सत्तल, भ्यू टावर, चिल्ड्रेन पार्क, सेमिनार हल, साहसिक खेल तथा पाँच तारे लक्जरी रिसोर्ट निर्माण गरेर पर्यटकीय गन्तव्यको रुपमा विकास गरेको छ ।
अध्यक्ष ढकालले मलेसियाको ग्यान्टिङ्ग हाइल्यान्ड परियोजनाबाट प्रभावित भई सन् २००९ देखि नै चन्द्रागिरि हिल्सको परिकल्पना गरेका थिए ।
