बागलुङ । मालिका सेवा समाज जापानले स्वास्थ्य चौकी भवन निर्माणको लागि आर्थिक सहयोग गरेको छ ।
समाजले बागलुङ नगरपालिका ५ स्थित मालिका स्वास्थ्य चौकी भवन निर्माणको लागि रु तीन लाख पाँच हजार सहयोग गरेको हो ।
विहिबार मालिका सेवा समाज जापानका कोषाध्यक्ष राम प्रसाद सापकोटाले मालिका स्वास्थ्य चौकी सञ्चालन तथा व्यवस्थापन समितिका अध्यक्ष हरि प्रसाद शर्मालाई उक्त रकम प्रदान गर्नु भएको हो ।
कार्यक्रम मालिका स्वास्थ्य चौकी सञ्चालन तथा व्यवस्थापन समितिका अध्यक्ष हरि प्रसाद शर्माताको अध्यक्षता, मालिका स्वास्थ्य चौकीका इन्चार्ज शिव केसीको स्वागत र सिअहेव वैकुण्ठ निउरेको सञ्चालनमा सम्पन्न भएको थियो ।
