बागलुङ । नेपाल उद्योग व्यापार महासंघको चौथौं वार्षिक साधारण सभा तथा दोस्रो महाधिवेशन शनिबारदेखि नवलपुरको गैडाकोटमा शुरू हुँदैछ ।
महाधिवेशनको नेपाल राष्ट्र बैंकका गभर्नरका प्रा.डा. विश्वनाथ पौडेलले उद्घाटन गर्ने कार्यक्रम रहेको छ। महाधिवेशन बैशाखको १९ र २० गते नवलपुर, गैडाकोटको नारायण रिसोर्टमा हुँदैछ ।
साधारण सभा तथा महाधिवेशनको सबै तयारी पूरा भएको शुक्रबार पत्रकार सम्मेलन मार्फत जानकारी दिइएको थियो । राष्ट्रिय महाधिवेशनलाई भव्य बनाउन तीब्र ढंगले अघि बढेको नेपाल उद्योग व्यापार महासंघका महासचिव खिम नारायण पराजुलीले बताउनुभयो ।
महाधिवेशनस्थललाई ध्वजा पतका र व्यानरले सिघाँरिएको छ ।महाधिवेशन सम्पन्न गर्न नेपाल उद्योग व्यापार महासंघका अध्यक्ष खिम लाल भण्डारीको संयोजकत्वमा मूल आयोजक समिति र विभिन्न उपसमितिहरु गठन गरेर तयारी तिब्र बनाइएको थियो ।
महाधिवेनमा आउनु हुने उद्योगी व्यवसायीलाई नवलपुर र चितवनको धार्मिक तथा पर्यटकीय गन्तव्यमा भम्रण गराउने उद्देश्य पनि रहेको महासंघका वरिष्ठ उपाध्यक्ष श्याम प्रसाद श्रेष्ठले बताउनुभयो ।
पत्रकार सम्मेलन नेपाल उद्योग व्यापार महासंघका अध्यक्ष खिम लाल भण्डारीको अध्यक्षता र महासचिव महासचिव खिम नारायण पराजुलीको संचालनमा सम्पन्न भएको थियो ।
