हरेक दिन हजारौं नेपाली युवा पुस्ताहरु विदेश पलायन भइरहेको बेला बागलुङ जिल्लाका एक किसानले विदेशी प्रविधि मार्फत तरकारी उत्पादन गरी मालामाल हुनु भएको छ । जिल्लाको गलकोट नगरपालिका वडा नम्बर ६ हरिचौका ४१ वर्षिया गुमानसींह खत्रीले इजरायली हाइटेक प्रविधिको टर्नेल मार्फत तरकारी उत्पादन गरी वार्षिक ६ लाख आम्दानी गर्न सफल हुनु भएको छ ।
२०६३ सालमा कृषि भ्रमणमा जादा टर्नेल मार्फत गरीने तरकारी खेतीबाट पनि मनग्य आम्दानी गर्न सकिदो रहेछ भनेर देखेको र त्यही अनुसार खेति गरेका खत्रीले एक वर्ष अघिमात्र इजरायली हाइटेक प्रविधिको टर्नेल घर तथा थोपा सिचाई प्रविधिवाट तरकारी खेती गर्दै आउनु भएको छ । मेहनती किसान खत्रीले ठूला दुई र साना दुई गरी उक्त प्रविधिका चार प्लासिटकका घरमा टमाटर, सिमि बोडी, खुर्सानी तथा साग उत्पादन गर्दै आउनु भएको छ । विदेशी प्रविधि मार्फत खेती गर्दा आफूलाई छुट्टैखाले आनन्द आएको बताउदै खत्रीले खर्च कटाएर वार्षिक चारलाख सम्म बचत गर्दै आउनु भएको छ ।
उत्पादीत तरकारी स्थानीय गलकोट बजार, बागलुङ बजार, खर्वाङ बजारमा खपत हुने र बजारको कुनै समस्या नभएको उहाँको भनाई छ । उहाँले थोपा सिंचाईको लागि पानि पर्याप्त आवश्यक हुने र हिउदको समयमा खोलावाट शुन्य शक्ति वर्षा पम्पको प्रयोगवाट थोपा सिंचाई गर्दे आउनु भएको छ । पहिला स्थानीय स्रोत तथा साधनहरुको प्रयोग गरि बनाएको टर्नेल केही वर्ष मात्र हुने गर अहिलेको प्रविधि जीवनभर हुने उहाको विश्वास छ । खत्रीले आफूले गर्ने तरकारी खेतीको सबै प्रक्रिया प्रविधि मैत्री भएको भनाई छ । हालसम्म प्रविधि युक्त तरीकाले खेती गर्दा १५ लाख लगानि गरेका कृषक गुमान सींह खत्रीले कृषि मन्त्रालयवाट दश लाख अनुदान र जिल्ला कृषि विकास कार्यालय बागलुङ बाट प्राविधिक सल्लाह प्राप्त गर्दै आउनु भएको छ ।
इजरायली हाइटेक टर्नेल तथा थोपा सिंचाई प्रविधि निकै महंगो भएपनि दिर्घकालिन टिकाउ हुने भएकोले जीवनभर यसवाट फाईदा लिनसक्ने, हावाले भत्काउन नसक्ने,समयको बचत हुने, रोग कम लाग्ने र एकै समयमा धेरै काम गर्न सकिने उहाको भनाई छ । इजरायली टर्नेलमा चिसो, गर्मी तथा हावाको सन्तुलन मिलाउन सक्ने क्षमता भएकोले यसबाट गुणस्तरीय तथा धेरै मात्रामा तरकारी उत्पादन गर्न सकिने कृषि प्राविधिकहरु बताउछन् ।
