आजदेखि सुरुभएको माध्यमिक शिक्षा परीक्षा (एसईई)को पहिलो दिन अंग्रेजी बिषयको परिक्षा देशभर सञ्चालन भईरहंदा बाग्लुङ जिल्लामा समेत शान्तिपुर्वक सम्पन्न भएको छ ।
कुल पांचहजार ३ सय ९४ परिक्षार्थि मध्ये ५ हजार २ सय ६१ जनाले परिक्षामा सहभागिता जनाएका छन् । जसमा रेगुलर र एक्जाम्टेड गरी ६१ जना बिधार्थि परिक्षामा सहभागि नभएको जिल्लाशिक्षा अधिकारी गुरुप्रसाद पौडेलले बताएका छन् ।
उनका अनुसार परिक्षा निर्धारीत समयमा सुरु भएको र जिल्लाका १ सय ३९ सहभागि बिधालयका ३१ परिक्षाकेन्द्रमा गतबर्षको तुलनामा सौहार्दपुर्ण रुपमा परिक्षा सम्पन्न भएको पौडेलले बताए ।
जिल्लामा नियमित तर्फ २ हजार ४ सय ८० छात्र, २ हजार ६ सय ९७ छात्रा गरी ५ हजार १ सय ७७ र एक्जाम्टेडतर्फ ३९ छात्र र ४५ छात्राले सहभागिता जनाएका हुन् । जसमा नियमित तर्फ १४ छात्र, १० छात्रागरी २४ र एक्जाम्टेडतर्फ १४ छात्र २३ छात्रा गरी कुल ६१ जना बिधार्थि अनुपश्थित भएको बताईएको छ ।
त्यस्तै जिल्लाको निसिखोला गांउपालीकाको प्रभामावि परिक्षाकेन्द्रमा ५९ बर्षिय जिवलाल कंडेलले परिक्षा दिएका छन् । जनविराज सुशिला माविमा परिक्षा फारम भरेका उनले सक्रियपुर्व पहिलो दिनको परिक्षा दिएको बताईएको छ । त्यस्तै बाग्लुङ स्थित ४५ बर्षिय बेलमती छन्त्यालले पनि खुल्ला परिक्षा दिएकी छन । जिल्लाबाट यस वर्ष १ जना दृष्टिविहीन र १३ जना बहिरा विद्यार्थीहरुले पनि एसइइ परीक्षा दिएका छन ।
