कोरोना भाइरस कोभिड १९ समुदायस्तरमा फैलिने क्रम बढेर गएसँगै बागलुङमा थप दुई जनालाई कोरोना संक्रमण पुष्टि भएको छ ।क्षयरोग उपचार केन्द्र पोखरामा गरिएको पिसिआर परीक्षणमा बागलुङ नगरपालिका–२ का २० वर्षिय दुई जना पुरुषलाई संक्रमण देखिएको हो ।
दुवै जना संक्रमितको कन्ट्रयाक ट्रेसिङमा परेको बागलुङ नगरपालिकाका नगरस्वास्थ्य शाखा प्रमुख रामप्रसाद खनालले बताए ।
उनीहरु बानपा–३ मा कुखुरा व्यवसाय गरि बस्ने ३८ वर्षिय महिलाको सम्पर्कमा आएकाले पिसिआर परीक्षण गर्दा संक्रमण पुष्टि भएको बताए । उनीहरु होम क्वारेन्टाइनमा रहेको र धौलागिरी अस्पताल बागलुङको आइसोलेसन कक्षमा लैजाने तयारी भैरहेको छ ।
धौलागिरी अस्पतालको आइसोलेशनमा ६ जना महिला र १२ जना पुरुष गरी १८ जान रहेका छन् ।यससँगै बागलुङमा कोरोना संक्रमितको संख्या २ सय ८३ पुगेको छ । त्यसमध्ये २ सय ६० जना निको भएर घर फर्किएका छन भने १ जनाको मृत्यु भएको छ ।