अब कम्पनी रजिस्ट्रारको कार्यालयमा समयमै डकुमेन्ट नबुझाउने व्यवसायीलाई लाग्ने जरिवानामा ९० प्रतिशत कटौती हुने भएको छ ।
सरकारले आगामी आर्थिक वर्षका लागि जारी गरेको बजेटमा यस्तो व्यवस्था गरेको हो ।
यसले समयमै साधारणसभा गर्न नसक्ने, साधारणसभा गरे पनि समयमै कार्यालयमा डकुमेन्ट नबुझाउन नसकेकाहरूलाई ठूलो राहत दिएको देखिन्छ । देशमा साना–ठूला गरी लाखौं त्यस्ता व्यावसायिक फर्म छन् ।
उनीहरूमध्ये धेरैले ८ र ९ लाख रुपैयाँसम्म जरिवाना तिर्नुपर्ने हुन्छ ।
त्यस्ता व्यवसायीले जम्मा १० प्रतिशत मात्रै जरिवाना तिरे पुग्ने व्यवस्था आगामी आर्थिक वर्षको बजेटबाट गरिएको छ । यसलाई साना, मझौला तथा ठूला उद्योगीले समेत स्वागत गरेका छन् ।
