एलआईसी नेपाल लिमिटेड बागलुङ शाखाले पर्वतका बीमित मृतक परिवारलाई दाबी रकम हस्तान्तरण गरेको छ ।
कम्पनीले पर्वतको मोदी गाउँपालिका –६ थामारजुङ स्थायी घर भै कुश्मा नगरपालिका– ६ बस्ने केशबबहादुर केसीको परिवारलाई बीमा रकम हस्तान्तरण गरिएको हो ।
बुधवार केसीका श्रीमती यामकुमारी केसीलाई ७ लाख २१ हजार २ सय ६० रुपैयाँ हस्तान्तरण गरिएको हो । गत वैशाख १० गते हृदयघातबाट निधन भएका ४० वर्षीय केसी भारतीय सेनामा कार्यरत थिए ।
सन २०११ मा ५ लाखको जीवन बिमा खरिद गरेका केसीले ऋण सुविधामा १ लाख लिएकोमा सो रकम कटाएर बाँकी ७ लाख २१ हजार २ सय ६० रुपैयाँको चेक कम्पनी बागलुङका शाखा प्रमुख नवराज सुवेदी तथा वरिष्ठ ऐजेन्सी म्यानेजर राममाया घिमिरेले यामकुमारी केसीलाई हस्तान्तरण गरेका थिए ।
