चीनले उडाएका बेलुन अमेरिकाले खसाइदिएपछि दुई देशबीचको सम्बन्ध फेरि चिसियो

मंगलबार अमेरिकी रक्षा मन्त्रालयका प्रवक्ता पेट राइडरले रक्षामन्त्रीस्तरीय वार्ताको प्रस्ताव चीनले अस्वीकार गरेको बताए । उनले भनेका छन्, ‘यस प्रकारको स्थितिमा दुवै देशबीच सम्वादको ढोका खुला राख्नुपर्छ ।’ अमेरिकी रक्षा मन्त्रालयले चीनमा टेलिफोन गरी वार्ता प्रस्ताव राखेको थियो ।

गत शनिबार चिनियाँ बेलुन उड्दै अमेरिकाको क्षेत्रमा पुगेपछि अमेरिकी सेनाले फाइटर जेटको मद्दतमा ती बेलुन खसालेका थिए । चीनले ती बेलुन मौसमको जानकारी लिनका लागि उडाइएको तर भुलबस अमेरिकी आकाशमा पुगेको बताएको छ । तर अमेरिकाले ती बेलुनलाई खसालेर विषयवस्तुलाई अतिरञ्जित बनाउन खोजेको गुनासो चीनको छ । चिनियाँ विदेश मन्त्रालयका प्रवक्ताले यसप्रति खेद व्यक्त गरेका छन् ।