बागलुङ। सामाजिक उत्तरदायित्व निर्वाह गर्दै सगरमाथा कम्प्युटर सोलुसन, बागलुङले रुकुम पूर्वको प्रसिद्ध पर्यटकीय गन्तव्य चुङ्ग्री बुकीमा स्वच्छता तथा फोहोर व्यवस्थापनलाई सहयोग पुर्याउने उद्देश्यले दुईवटा डस्टबिन हस्तान्तरण गरेको छ।
पर्यटकीय क्षेत्रलाई सफा, स्वच्छ र व्यवस्थित राख्ने अभियानमा टेवा पुग्ने विश्वासका साथ सगरमाथा कम्प्युटर सोलुसनका प्रोप्राइटर नैबेद्य सिग्देलले डस्टबिन सौजन्यस्वरूप उपलब्ध गराएको बताउनुभयो।
उहाँका अनुसार व्यवसायसँगै समाज र वातावरणप्रतिको जिम्मेवारीलाई प्राथमिकतामा राख्दै यस्तो सामाजिक पहल गरिएको हो। यसबाट पर्यटक तथा स्थानीय समुदायमा सरसफाइप्रति सकारात्मक सन्देश प्रवाह हुने अपेक्षा गरिएको छ।
रुकुम पूर्वको आकर्षक पर्यटकीय गन्तव्यका रूपमा परिचित चुङ्ग्री बुकीमा पछिल्लो समय पर्यटकको चाप बढ्दै जाँदा फोहोर व्यवस्थापन चुनौतीपूर्ण बन्दै गएको छ।
यस्तो अवस्थामा डस्टबिन हस्तान्तरणले वातावरण संरक्षण र पर्यटकीय क्षेत्रको स्वच्छता कायम राख्न महत्त्वपूर्ण योगदान पुग्ने विश्वास गरिएको छ।
सिग्देलले प्रकृतिको संरक्षण सबैको साझा दायित्व भएको उल्लेख गर्दै फोहोर जथाभावी नफाली डस्टबिनमै व्यवस्थापन गर्न सबैमा आग्रह गर्नुभएको छ।
