बागलुङका प्रमुख जिल्ला अधिकारी ऋषिराम तिवारीको झापा सरुवा भएको छ । नेपाल सरकार गृहमन्त्रालयले विहिबार ३१ जिल्लाका प्रजिअको सरुवा गर्दा बागलुङका तिवारी पनि परेका हुन् ।
बागलुङमा को आउने भन्ने बारेमा कुनै निर्णय भएको छैन् । ३१ जनाको सरुवा सुचिमा बागलुङमा आउने प्रजिअको नाम परेको छैन तर यहाँका प्रजिअ तिवारीको काजमा जिल्ला प्रशासन कार्यालय झापा सरुवा भएको उल्लेख छ । बागलुङमा प्रजिअ पठाउने विषयमा गृह मन्त्रालयले फेरी अर्को निर्णय गर्ला ।
स्याङ्जा घर भएका तिवारीको गत जेठ ९ गते गृह मन्त्रालयबाट बागलुङको प्रजिअका रुपमा काज सरुवा भएको थियो । उनको स्थायी दरबन्दी भने अहिले पनि गृहमन्त्रालयमै छ । तिवारी जेठ २४ गते जिप्रका बागलुङमा हाँजिर भएका थिए । उनी बागलुङ आएको दुई महिनामै फेरी झापा सरुवा भएको हो ।
प्रजिअ तिवारीले पनि आफ्नो झापा सरुवा भएको पुष्टि गरे । बागलुङमा को आउने भन्ने बारे आफुलाई पनि केहि थाहा नभएको उनले बताए ।
