बागलुङ । प्रेस चौतारी नेपालको स्थापना दिवशको अवसरमा आयोजित प्रेस चौतारी कप फुटबल प्रतियोगिताको उपाधि चिल्ड्रेन लाइफ इङ्लिस बोर्डिङ स्कुलले जितेको छ ।
सोमबार भएको फाइनल खेलमा चिल्ड्रेन लाइफले अमर आदर्श आवासिय माविलाई २–० गोल अन्तरले पराजित ग¥यो ।
बाङगेचौर खेल मैदानमा आयोजित फाइनल खेलमा चिल्ड्रेन लाइफका लोकमान थापाले १९ औं र बरदान थापाले ३५ औं मिनेटमा गोल गर्दै उपाधि सुनिश्चित गरेका हुन् ।
खेल जितेर चिल्ड्रेन लाइफले ५० हजार नगद पुरस्कारसहित मेडल, ट्रफी र प्रमाणपत्र प्राप्त गरेको हो । अमर आदर्शले २५ हजार रुपैयाँ, मेडल र प्रमाणपत्र प्राप्त गरेको थियो । गण्डकी प्रदेशका निवर्तमान मुख्यमन्त्री खगराज अधिकारीले खेलाडीलाई पुरस्कार प्रदान गर्नुभएको थियो ।
। शुक्रबारदेखि संचालित खेलमा १२ विद्यालय सहभागि थिए । खेलमा उत्कृष्ठ खेलाडीलाई समेत विधागत रुपमा पुरस्कृत गरिएको थियो ।
