काठमाडौं। प्रहरीले सिन्धुलीस्थित नेपाल एसबिआई बैंक शाखाबाट मंगलबार बेलुकी ३ करोड बढी लुटपाट गरेर भाग्दै गरेको टाटा सुमो र चालकलाई पक्राउ गरेको छ।
सिन्धुलीको घ्याङलेखस्थित नेपाल एसबिआई बैंक शाखाबाट लुटेराले मंगलबार साँझ ३ करोड १० लाख रुपैयाँ बढी रकम लुटपाट गरेका थिए।
नेपाल प्रहरीका अनुसार लुटेराको टोली साँझ ७ बजे बैंक शाखा पुगेको थियो। घटनालगत्तै प्रहरीले खोजतलास गरेपछि १ करोड रुपैयाँ बढी रकम फेला पारेको बताइएको छ। सिन्धुली प्रहरीले घटनामा संलग्नको खोजी तीव्र पारिएको बताएको छ।
