बागलुङ । बुर्तिबाङबाट भीमगिठे आउँदै गरेको जिप दुर्घटना भएको छ । आइतबार दिउँसो बुर्तिबाङबाट भीमगिठे आउँदै गरेको लु १ च ९८५२ नम्बरको जिप ढोरपाटन नगरपालिका–१ खप्तरीबाङमा दुर्घटना भएको हो । जिप दुर्घटनाबाट ३ जना घाइते भएका छन् ।
घाइतेहुनेमा गुल्मी जिल्ला मालिका गाउँपालिका–१ का ६८ वर्षीया मदनबहादुर घर्ति, निसीखोला गाउँपालिका–७ की १७ वर्षीया माया कुँवर र बडिगाड गाउँपालिका–९ की २६ वर्षीय निरुता केसी भएको इलाका प्रहरी कार्यालय बुर्तिबाङका प्रहरी निरीक्षक ओमप्रकाश यादवले नयाँ विश्वलाई जानकारी दिए ।
दुर्घटनाका घाइते मध्ये ६८ वर्षीय घर्तिलाई उपचारका लागि पाल्पा पठाइएको छ । दुर्घटनाका विषयमा थप अनुुसन्धान भइरहेको प्रहरीले जनाएको छ ।
