इङ्लिस प्रिमियर लिग क्लब आर्सनलका मिडफिल्डर मेसुट ओजिल र डिफेन्डर सिड कोलासिनाचलाई बिहीबार लुटेराको एक समूहले लुटपाट प्रयास गरेको छ ।
उक्त घटनाको भिडियोमा कोलासिनाच गाडीबाट निस्केर मास्क लगाएका आक्रमणकारीको सामना गरिरहेका देखिन्छन् ।
फुटेजमा दुई आक्रमणकारीले २६ वर्षीय कोलासिनाचलाई चक्कु उज्याएका छन् । लुटेराहरूले कार लुट्ने उद्देश्यले आक्रमण गरेको हुन सक्ने बताइएको छ ।
प्रत्यक्षदर्शी अजुक अलिन्ताले डेली मेललाई बताएअनुसार घटनालगत्तै ओजिलले नजिकैको टर्किस रेस्टुराँबाहिर प्रहरीलाई जानकारी गराएका थिए । ‘ओजिल निकै डराएका देखिन्थे । उनी आफ्नो ज्यान जोगाउन दौडिरहेजस्ता लाग्थे,’ उनले भनेका छन् ।
आर्सनल क्लबका प्रवक्ताले भने आफूहरू दुवै खेलाडीसँग नियमित सम्पर्कमा रहेको र उनीहरू ठिक अवस्थामा रहेको बताएका छन् । मेट्रोपोलिटन प्रहरीले अहिलेसम्म कसैलाई पक्राउ नगरिएको र घटनाबारे अनुसन्धान भइरहेको जनाएको छ ।
भिडियो स्रोत: द गार्जियन
Kolašinac proper player 💪🏼 @seadk6 pic.twitter.com/x2HX8Ofq18
— Jonathan Walters (@JonWalters19) July 25, 2019
On the basis of how he saved Ozil from knife-wielding thugs today,
I would make Kolašinac captain of Arsenal with immediate effect. https://t.co/8ADQxk8aP6 pic.twitter.com/SKAKyrBqhG— Piers Morgan (@piersmorgan) July 25, 2019