भारतमा जारी पाँचौं संस्करणको यू–१५ फुटबल प्रतियोगितामा शीर्ष २ मा पर्न नेपाललाई गर या मरको अवस्था छ ।
नेपालले आज बलियो टोली बंगलादेशसँग प्रतिस्पर्धा गर्दै छ ।
नेपालले प्रतियोगिताको तेस्रो खेलका रूपमा बंगलादेशसँग खेल्न लागेको हो ।
पहिलो खेलमा भारतलाई ५–० को गोल अन्तरले पराजित गरेको नेपाल दोस्रो खेलमा श्रीलंकासँग २–० ले पराजित भएको थियो ।
नेपाल तालिकाको तेस्रो स्थानमा छ । नेपालले २ खेलबाट ३ अंक जोडेको छ ।
६ अंकका साथ बंगलादेश दोस्रो स्थानमा छ । साथै शीर्ष स्थानको भारतको पनि ६ अंक छ ।
नेपालले अन्तिम खेलमा बिहीबार भुटानको सामना गर्नेछ । राउन्ड रोबिनका आधारमा खेलाइने प्रतियोगिताका शीर्ष दुई टोलीले उपाधिका लागि खेल्नेछन् ।