वामी दरमखोला लघुजल विद्युत परियोजनाद्वारा सञ्चालित पावर हाउससँगैको मिलमा सोमबार तोरी पेल्ने क्रममा एक युवतीकाे हात गुमेकाे छ । मिल सञ्चालक कृष्णबहादुर रानाकी १८ वर्षिया छोरी निरु रानाको हात गुमेकाे हाे ।
तोरी पेलिरहेको बेला एक्कासी मिलमा हात पर्दा उनको बायाँ गुम्न पुगेको छ ।
निरु रानालाइ वामीस्थित लुम्बिनी वामी हस्पिटल पोलीक्लिनिकमा प्राथमिक उपचार गरी हेलिकप्टरमार्फत काठमाडौं ल्याएको छ । उनकाे ग्रान्डी अस्पतालमा उपचार भइरहेकाे छ ।
हात काँटिएको पाँच घन्टा भित्र उपचार पाएमा हात जोडिन सक्ने भएको भन्ने डाक्टरको भनाइ अनुसार हेलिकप्टर चार्टर गरेर काठमाडाैं ल्याइएकाे हाे ।
