काेराेना भाइरसका कारण भारतमा यातायात सेवा बन्द भैरहँदा विभिन्न समयमा रोजगारीका लागि भारतका पुगेका सयौं नेपाली घर फर्किने क्रममा राजधानी दिल्लीमा अलपत्र परेका छन् । उनीहरुका लागि दिल्लीस्थित नेपाली दूतावासले उनीहरुलाई कुनै प्रवन्ध गर्न सकेको छैन् ।
कोरोना संक्रमणका कारण भारतका विभिन्न राज्य लक डाउन भईसकेका छन् । नेपालले पनि भारत र चीन तर्फका नाका बन्द गरिसकेको छ । दूतावासले उनीहरूलाइ जुन ठाउँमा हुनुहुन्छ, त्यहीँ सुरक्षित बस्न भनेकाे छ । दूतावासले अन्य प्रकारकाे कुनै सहयाेग उपलब्ध गराउन सकेकाे छैन् । उनीहरु फर्किने क्रममा दिल्लीमा अलपत्र परेका हुन् । उनीहरूकाे गनतब्य अनिश्चित हुन पुगेकाे छ ।
भारतमा विभिन्न ट्राभल एजेन्सीले यातायातको प्रवन्ध गरेर नेपाल पु¥याउने बताए पनि सरकारले यातायात बन्द गरेकोले संभव हुन सकेको छैन् । विपत्को बेलामा पैसा कमाउने होडमा केही ट्राभलका एजेन्टहरुले नेपाली समुदायलाई नै आतंकित बनाएको जानकारी हुन आएको छ । त्यसैले बीच बाटोमा अलपत्र पार्नु भन्दा जहाँ छौं, त्यहीँ बस्नु भनिएको छ । दूतावासले सावधान रहन भनेको दिल्ल्ीबाट पत्रकार अर्जन खनालले जानकारी गराएका छन् । दिल्लीस्थित नेपाली दुतावास केही फोन नम्बर उपलब्ध गराएपनि अन्य प्रवन्ध गर्न सकेको छैन् । तर दूतावासले सम्पर्कका लागि +91-1123476200,+91-1123327361 नम्बर उपलब्ध गराएकाे छ ।
पत्रकार खनालका अनुसार भारत आनन्द बिहार दिल्लीस्थित अन्तराष्ट्रिय बस पार्कमा करिब १५० नेपाली अलपत्र छन् । बैंगलोरबाट नेपालको मेहेन्द्रनगर पुग्न हिँडेका उनीहरु भारतले गरेकाे लक डाउनका कारण अलपत्र परेका हुन् ।
अलपत्र परेका अधिकांश यात्रुहरु सुदूपश्चिमका रहेको पत्रकारले जानकारी गराए । दिल्लीमा रहेका सुदुर पश्चिमेली समाज त्यहाँका राजनैतिक दालका साथीहरु बुद्धिजीवी आदिले उनीहरुलाई समवन्य गरे पनि अलपत्र अवस्थामा उचित प्रवन्ध हुन सकेको छैन् । उनीहरु जेनतेन नेपाल कोर्डरसम्म आइपुगे उनीहरुलाई नेपाल सरकारले क्वारेन्टाइनमा कहाँ राख्ने भन्ने समस्या छ । नेपालले पनि सोमबारबाट यातायात बन्द गरेको छ । उनीहरु नेपाली भित्रिए पनि थप समस्या हुने देखिएको पत्रकार खनालले बताए ।
तस्बीर ः अजर्नु खनाल ÷ दिल्ली
