बागलुङ नगरपालिकाले स्थापना गरेको कोरोना भाइरस संक्रमण, रोकथाम, नियन्त्रण तथा उपचार कोषलाई यहाँका तीन संस्थाले आर्थिक सहयोग गरेका छन् ।
चारतारे युवा क्लब, सीवाईसी नेपाल लघुवित्त वित्तीय संस्था र सीवाईसी बचत तथा ऋण सहकारी संस्थाले नगरपालिकाको राहत कोषमा संयुक्त रूपमा ६० हजार रुपैयाँ सहयोग गरेका हुन् ।
चारतारे युवा क्लब नेपालले १० हजार, सीवाईसी नेपाल लघुवित्त वित्तीय संस्थाले २५ हजार र सीवाईसी साकोसले २५ हजार जम्मा गरी संयुक्त रूपमा हस्तान्तरण गरेका हुन् ।
संस्थाहरूका तर्फबाट अध्यक्ष चण्डीप्रसाद शर्माले बागलुङ नगरपालिकाका प्रमुख जनकराज पौडेललाई उक्त रकमको चेक हस्तान्तरण गरेका थिए ।
संस्थाहरूले समुदायप्रतिको उत्तरदायित्वलाई ध्यानमा राखी सहयोग गरेको अध्यक्ष शर्माले बताए ।हामीले लकडाउनले संकटमा परेका नागरिकहरुलाई तत्काल सहयोग पुगोस भनेर नगरपालिकालाई यो सहयोग उपलब्ध गराएको हु शर्माले नयाँ विश्वलाई बताए ।
