कोरोना भाइरसको महामहारी बढिरहेको भन्दै बागलुङ जिल्ला प्रशासन कार्यालय बागलुङले १५ दिन निषेधाज्ञा थप गरेको छ । यसअघि जिल्ला प्रशासन कार्यालयले जारी गरेको १० दिनको निषेधाज्ञाको समयसीमा वैशाख ३१ गते भोलि शुक्रबार सकिँदैछ ।
कोभिड संकट नियन्त्रण तथा व्यवस्थापन समितिको बैठकले आगामी जेठ १५ सम्म निषेधाज्ञा थप गर्ने निर्णय गरिएको प्रमुख जिल्ला अधिकारी शिवकुमार कार्कीले जानकारी दिए ।
पछिल्लो समय बागलुङमा कोरोना संक्रमण तिव्र बढ्दो छ । बिहीबार मात्रै कोरोना संक्रमणका कारण धौलागिरी अस्पतालमा उपचाररत चार जनाको मृत्यु भएको थियो ।
जिल्ला प्रशासन कार्यालय बागलुङका अनुसार अब हुने १५ दिनको निषेधाज्ञामा बैंक, वित्तीय संस्थापनि पूर्ण रुपमा बन्द रहने छन् ।
