काठमाडौंमा आज बिहानै भूकम्पको धक्का महशुस गरिएको छ।
शुक्रबार बिहान ७ बजेर ६ मिनेटमा भूकम्पको धक्का आएको हो । भक्तपुरको सल्लाघारी केन्द्रविन्दु बनाएर भूकम्पको गएको राष्ट्रिय भूकम्प मापन तथा अनुसन्धान केन्द्रले जनाएको छ।
केन्द्रका अनुसार उक्त भूकम्प ३.५ म्याग्नेच्युड मापन गरिएको छ। अहिलेसम्म क्षति भएको जानकारी नआएको प्रहरीले जनाएको छ।
राष्ट्रिय भूकम्प मापन तथा अनुसन्धान केन्द्रले यसअघि असार २१ गते बिहान ६ बजेर ३२ मिनेटमा भूकम्पको धक्का महशुस गरिएको जनाएको छ। त्यसपछि काठमाडौं आज भूकम्पको धक्का महशुस भएको हो।
