गायिका इन्दिरा जोशीले इन्गेजमेन्ट गरेकी छन् । खुम्बु पुगेर इन्दिराले ‘सुटुक्क’ इन्गेजमेन्ट गरेकी हुन् ।
उनले आफ्नो प्रेमीलाई औँठी लगाइदिएको भिडियो अहिले टिकटकमा भाइरल भइरहेको छ ।
उनले फेशन डिजाइनर शरद केडियासँग इन्गेजमेन्ट गरेकी हुन् । इन्दिराले यसअघि आफू प्रेम सम्बन्धमा रहेको बताउने गरेकी थिइन् । तर, प्रेमीको नाम भने खुलाएकी थिइनन् ।
उनले आफ्नो फेसबुकमार्फत फोटो सार्वजनिक गरेकी छन् । यसअघि उनीहरूको इन्गेजमेन्ट भएको भिडियो भने क्याप्टेन विवेक थापाको टिकटक अकाउन्टमार्फत सार्वजनिक गरिएको थियो ।