बैशाख ३० गते हुने स्थानीय तहको निर्वाचनको लागि बागलुङ जिल्लाको १० वटा स्थानीय तहमा राजनीति दलले प्रमुख ,उप प्रमुख ,अध्यक्ष, उपाध्यक्ष ,वडा अध्यक्ष तथा सदस्यहरूले मनोनयन पत्र दर्ता गरेका छन् । सत्ता गठबन्धनको र एमाले राप्रपाले गठवन्धन गरि मनोनयन दर्ता गरेका छन् ।
बागलुङ नगरपालिकाको नगर प्रमुखमा गठबन्धनबाट नेपाली कांग्रेसका बसन्त कुमार श्रेष्ठ, उप प्रमुखमा माओवादी केन्द्रका राजु खड्काले मनोनयन दर्ता गराएका छन् । यस्तै एमाले राप्रपा गठबन्धन बाट नगर प्रमुखमा एमालेबाट जनकराज पौडेल ,उप प्रमुखमा राप्रपाका संजय खड्काले उमेदवारी दर्ता गराएका छन् ।
बिहान १० बजेदेखि उमेदवारी दर्ताको लागि निर्वाचन अधिकृतको कार्यालय खुलेपनि गठबन्धन लगायतका ठुलादलले आफ्नो उमेदवारी टुंग्याउन नसक्दा दिउँसो ४ बजे पछि मात्र आफ्नो मनोनयन दर्ता राजनीतिदल बाजा गाजा सहित निर्वाचन अधिकृतको कार्यालयमा पुगेका थिए ।
यस्तै गलकोट नगरपालिकाको नगर प्रमुखमा गठवन्धनबाट नेपाली कांग्रेसका भरत गैरे, उप प्रमुखमा माओवादी केन्द्रका फमलाल निउरे उम्मेदवारी दर्ता गराएका छन् भने एमालेबाट नगर प्रमुखमा पदमा पूर्ण काउचाले र उप प्रमुखमा रुपा विकले उम्मेदवारी दर्ता गरेका छन् । ढोरपाटन नगरपालिकाको नगर प्रमुखमा गठवन्धनबाट माओवादी केन्द्रका चन्द्र अर्याल र उप प्रमुखमा नेपाली कांग्रेसका धनबहादुर कायत कल्याणले उम्मेदवारी दर्ता गरेका छन् ।
एमालेबाट नगर प्रमुख देवकुमार नेपाली र उप प्रमुखमा करमति पुनले उम्मेदवारी दिएका छन् । जैमिनी नगरपालिकाको नगर प्रमुखमा राष्ट्रिय जनमोर्चाका नरबहादुर थापा उप प्रमुखमा नेपाली कांग्रेसका हरिहर शर्मा ले उमेदवारी दर्ता गरेका छन् । एमालेबाट लिला रानाले उम्मेदवारी दिएका छन् ।
स्थानीय तह निर्वाचनका लागि सत्तारुढ गठबन्धनले बागलुङमा चुनावी तालमेल गरेर जाने सहमति गरे अनुसार उम्ेदवारी दिएका छन् । बागलुङका १० स्थानीय तहमध्य नेपाली कांग्रेसले बागलुङ नगरपालिका, काठे खोलागाउँपालिका, गलकोट नगरपालिका, बडिगाड गाउँपालिका र तमानखोला गाउँपालिकामा प्रमुख पाएको छ ।
माओवादी केन्द्रले तराखोला गाउँपालिका र ढोरपाटन नगरपालिका प्रमुख पाउने भएको छ। त्यस्तै राष्ट्रिय जनमोर्चाले बरेङ गाउँपालिका र जैमिनी नगरपालिका प्रमुख पाउने सहमती भएको छ ।
नेपाली कांग्रेसले जैमिनीनगरपालिका, बरेङ गाउँपालिका र ताराखोला गाउँपालिकामा उपप्रमुख, माओवादी केन्द्रले बागलुङ नगरपालिका, गलकोट नगरपालिका र निसिखोलागाउँपालिकाको उप्रमुख पाउने भएको छ।
त्यस्तै राष्ट्रियजनमोर्चाले काठेखोलागाउँपालिका र बडिगाडगाउँपालिका र एकिकृत समाजवादीले तमानखोला गाउँपालिकाको उपप्रमुख पाउने सहमति भएको छ । जनता समाजवादीलाई २ कार्यपालिका सदस्य र ११ वडा सदस्यदिने गरि सहमती गरेका छन् ।
जिल्लाका ८५ वडामध्ये नेपाली कांग्रेसलाई ४३, माओवादी केन्द्रलाई २१, राष्ट्रियजनमोर्चालाई १५ र एकिकृत समाजवादीलाई ६ वडादिने गरि सहमती नेपाली कांग्रेस बागलुङका जिल्ला सभापती जीत शेरचनले बताए ।
अहिले पार्टीले दिएको टिकटमा असहमति जनाउदै एमाले र माओवादीका कार्यकर्ताले वडा अध्यक्ष पदमा वागी उमेदवारी समेत दर्ता गराएका छन् ।
