बागलुङ । कालिका कप पालिका स्तरीय पुरुष भलिवल प्रतियोगिताको उपाधि गलकोट नगरपालिकाले चुमेको छ ।सोमबार सम्पन्न फाइनल खेलमा जैमिनी नगरपालिका गलकोट नगरपालिकाबीच भएको प्रतिस्पर्धामा गलकोट विजयी भएको छ ।
गलकोट नगरपालिका र जैमिनी नगरपालिकाबीच भएको भएको फाइनल खेलको पहिलो सेटमा जैमिनी नगरपालिकाले २५–१९ प्राप्त गरेको थियो ।
यस्तै दोस्रो सेट २५–१८ र तेस्रो सेट २५–२७ र चौथो सेटमा २५-२०प्राप्त गरी जैमिनी नगरपालिकालाई पराजित गर्दै गलकोटले उपाधि चुमेको कालिका भगवती गुठी व्यवस्थापन समितिका अध्यक्ष कुमार खड्काले जानकारी दिनुभयो । जैमिनीले उपबिजेतामै चित्त बुझाएको थियो ।
ऐतिहासिक चैत्राष्टमी मेलाको अवसरमा आयोजित कालिका कप प्रयितोगितामा उपाधि चुमेको गलकोटले रू दुई लाख ट्रफि र मेडल प्राप्त गरेको छ ।
आइतवार भएको सेमि फाइनल खेलबाट जैमिनी नगरपालिका र गलकोट नगरपालिका फाइनलमा प्रवेश गरेका थिए ।जैमिनीले काठेखोला गाउँपालिकालाई र गलकोटले सिद्धार्थ चश्मा घरलाई पराजित गरी फाइनलमा प्रवेश गरेका थिए ।
कालिका कप पालिका स्तरीय खुल्ला पुरुष भलिवल प्रतियोगितामा विजेता हुनेले २ लाख नगद र उपविजेताले १ लाख नगद सहित ट्रफी, मेडल र प्रमाणपत्र प्राप्त गरेका छन् ।
सेमिफाइनलमा पुगेका काठेखोला र सिद्धार्थ चश्मा घरले २५-२५ हजार तथा विधागत रुपमा उत्कृष्ट खेलाडीले नगद ५ हजार सहित पुरस्कृत भएका छन् ।
