देबिस्थान माध्यमिक बिद्यालय निसिखोला गाँउपालीका–१ को ५८ औँ बार्षिकोत्सवमा एक करोड स्थायी कोष स्थापना गर्ने महत्वकांक्षि योजना घोषणा गरिएको छ ।
दुईजनालाई प्रमुख अतिथि बनाएर बिहिबार गरिएको कार्यक्रममा विद्यालयलाई नमुना बनाउन भन्दै कोष स्थापनाको घोषणा गरिएको हो । बार्षिकोत्सव कार्यक्रममा निसीखोला गाउँपालिका अध्यक्ष तारानाथ पौडेल र सक्रिय शिक्षासेवी तथा समाजसेवि धिरप्रताप सिंह दुवै जनालाई प्रमुखको रुपमा आशनग्रहण गराईएको थियो । 
बिद्यालयको शैक्षिक भौतिक र आर्थिक अवस्थालाई सुधार गर्न विद्यालय व्यवस्थापन समितीका अध्यक्ष ईन्द्र बहादुर मल्लले एक बर्षमा एक करोड संकलन गर्ने उदेश्य सहित कोष निर्माणको अभियान थालीएको बताए ।
बार्षिकोत्सव कार्यक्रममै समाजसेवि हर्कबहादुर गुरुङले १० लाख २५ रुपैया, समाजसेवि खिम बहादुर कार्कीले २ लाख पाँच हजार पाँच सय पाँच, बिधालय ब्यबस्थापन समिती अध्यक्ष ईन्द्र मल्लले दुई लाख १ हजार पाँच, कार्यक्रमका प्रमुख अतिथी समाजसेवि धिरप्रताप सिँहले १ लाख १ हजार १ सय ११, शिक्षक जित बहादुर कुवँरले ५५ हजार, समाजसेवि तुल्सिराम अर्यालले ५० हजार, समाजसेवि गजाधर शर्माले ५० हजार १ सय १ र शिक्षक बल बहादुर मल्लले ५० हजार रुपैयाँ सहयोग गर्ने घोषणा गरे । 
अरु ५० जना बढि दाताहरुले जनहि ५ हजार रुपैयाँ भन्दा धेरै सहयोग गर्ने घोषणा गरेका गरेका थिए । स्थायी कोष घोषणाकै दिन १७ लाख भन्दा धेरै सहयोगको प्रतिबद्धता आएको छ ।
कोषमा आगामी मंसिर १५ सम्म एक करोड जुटाई विद्यालयलाई नमुना बनाउने अभियान थालिने प्रधानाध्यापक किरण पौडेलले बताए ।
कार्यक्रममा बोल्दै समाजसेवी धिरप्रताप सिंहले सबैको साथ र मिहिनेतले विदालयलाई नमुना बनाउन सकिने भन्दै त्यसको लागि विद्यालयलाई अभिभाबक र शैक्षिक क्षेत्रका अगुवाको समेत सहयोग चाहिने बताए ।
अर्का प्रमुख अतिथी निसीखोला गाउँपालिकाका अध्यक्ष तारानाथ पौडेलले नमुना विद्यालय अभियानमा निसिखोला गाँउपालीकाको तर्फबाट आवश्यक सहयोग हुने बताए । योजनावद्ध रुपमा अभियान सञ्चालन गर्न भन्दै उनले गाँउपालीकाले समेत शैक्षिक क्षेत्रमा लगानी गर्न कुनै कन्जुस्याँई नगर्ने बताए ।
चन्दादाता हर्कबहादुर गुरुङले यसअघि पनि विद्यालयलाई नमुना बनाउने सोच रहेकोमा अब सबैले हातेमालो गरेर अघि बढे सम्भब रहेको बताए । कार्यक्रममा अन्य समाजिक व्यक्तित्वले पनि शुभकामना मन्तव्य राखेका थिए ।
प्रअ किरण पौडेलद्धारा आर्थिक बर्ष २०७३/७४ को आर्थिक तथा शैक्षिक गतिबिधि र भावि योजना सहितको प्रगती प्रतिबेदन प्रस्तुत गरेका थिए ।
पञ्चेबाजा, विद्यार्थीको सांस्कृतिक प्रस्तुती सहित निसिखोला गाँउपालीका अध्यक्ष, उपाध्यक्ष र अन्य जनप्रतिनिधिलाई सम्मान समेत गरेको थियो ।
